Honi buruz

Plasma Mobile, gailu mugikorrak helburu dituen erabiltzailearen sorburu irekiko interfaze bat eta ekosistema bat da, KDE Plasma metaren gainean eraikia.

Ikuspegi pragmatiko bat hartzen da, inklusiboa, tresna-kutxa edozein dela ere, erabiltzaileei beraien gailuetan nahi duten softwarea aukeratzeko erabakia emanez.

Plasma Mobile-ren xedea estandar irekietan lagundu eta haiek inplementatzea da, eta pertsona orori laguntzeko irekia den prozesu garden batean garatzen da.

Erabil dezaket?

Bai! Plasma Mugikorra hainbat banaketa gordetegietan paketatuta dago, eta, beraz, x86 oinarria duten gailu arruntetan instalatu daiteke probak egiteko.

Android gailu zahar bat duzu? postmarketOS, Linux telefonoetara eramatea helburu duen projektu bat da eta Plasma Mugikorra eskaintzen du euskarria ematen duten gailuetako interfaze erabilgarri gisa. Euskarria duten gailuen zerrenda ikus dezakezu hemen, baina nagusia eta komunitatea kategorietatik at zure esperientzia alda daiteke. Euskarria duten gailuen artean daude OnePlus 6, Pixel 3a eta PinePhone.

Interfazeak KWin Wayland-en gainean erabiltzen du eta gehienean egonkorra da, nahiz eta eremu batzuetako ertzak latz samarrak dituen. KDE Plasma arruntaren ezaugarrien azpimultzo bat erabilgarri dago, trepetak eta jarduerak barne, biak hala biak Plasma Mobile-ren EIan barneratuak. Horri esker, Plasma Mobile mahaigainean/magalekoan erabil eta gara daiteke.

Zer egin dezake?

Gure helburua telefon adimendunen oinarrizko esperientzia bat eskaintzea da (bietan, oskolarekin zein aplikazioekin). Hori oro har lortu da, baina oskolaren egonkontasuna eta telefonia euskarria hobetzeko lanean jarraitzen dugu.

Mugikorrekiko lagunkoiak diren KDE aplikazioen zerrenda bat aurkituko duzu hemen. Jakina, Plasma Mugikorrean Linux-en oinarritutako edozein aplikazio ere erabil daiteke.

Non topa dezaket...

Plasma Mobile-ren hainbat osagairen kodea invent.kde.org-en aurki daiteke.

Irakurri kolaboratzaileen dokumentazioa Plasma-metaren eta guztia nola uztartzen den gaineko xehetasun gehiago jasotzeko.

Zure galderak Plasma Mobile-ren komunitateko taldeetan eta kanaletan egin ditzakezu.