Plasma Mobile eskaintzen duten banaketak
Behean zerrendatzen dira Plasma Mobile eskaintzen duten banaketak.
Mesedez, behatu banaketa bakoitzerako informazioa, zure gailuak euskarria duen ikusteko.
Mobile
postmarketOS
PostmarketOS (pmOS), telefono adimendunetan eta beste gailu mugikorretan instalatu daitekeen, ukimenerako optimizatutako, aurre-konfiguratutako Alpine Linux bat da. Begiratu gailu-zerrenda zure gailuak euskarria izateko aurrerapena ikusteko.
Aurre-eraikitako irudirik ez duten gailuetarako, «pmbootstrap» erabili beharko duzu irudia flash memorian eskuz grabatzeko. Jarraitu honako jarraibideak. Egiaztatu gailuaren wiki orria funtzionatzen ari denari buruzko informazio gehiago lortzeko.
Zama-jaitsi
Gauerokoa
«PostmarketOS»ek, Plasma6ren garapenaren jarraipena egiten duen gaueroko gordetegi bat hornitzen du.
Arch Linux ARM
Arch Linux ARMren PinePhone-rako eta PineTab-erako egokitzapenak DanctNIX komunitateak egin ditu.
Zama-jaitsi
Debian
«Debian»ek, bookworm kode-izeneko 12. argitalpenetik, bere gordetegian plasma mugikorrarekin lotura duen oinarrizko pakete-multzo bat hornitzen du. Paketatze ahaleginak «bookworm» kaleratu ondoren ere jarraitzen du, horrek esan nahi du, egun, pakete-multzo zabalago bat erabilgarri dagoela.
Mobian proiektuko garatzaileei esker («Debian»en mugikorrerako eratorpen bat), flash memorian instala daitezkeen Plasma Mugikorreko irudiak ere laster erabilgarri egongo dira!
Plasma Mugikorra Debian sistemetan instalatzeko jarraibideak «Debian»en wikian aurki daitezke.
Kupfer
Kupfer Linux, «Arch Linux ARM»tik eratorritako banaketa bat da, garatzaileei gailuak hartara egokitzea errazteko tresnak hornitzeaxede duena.
Estekak
Sineware ProLinux
ProLinux, erro fitxategi-sistema aldagaitz bat duen GNU/Linux banaketa bat da, A/B eguneratze-antolaera, aurrena-Flatpak aplikazio banaketa eredua, eta SEarekin elkarreragiteko API gainazal bateratu bat duena.
Plasma 6 garapen irudiak erabilgarri daude jada, GITetik eraikiak.
Estekak
openSUSE
openSUSE, behinola SUSE Linux eta SuSE Linux Professional, SUSE Linux GmbH-ek eta beste konpainia batzuek babestutako Linux banaketa bat da. Gaur egun, openSUSE-k Tumbleweed oinarri duten Plasma Mobile eraikinak hornitzen ditu.
Estekak
Fedora
Lan hau martxan dago, adi egon!
Elkartu Fedora Mobility-ren matrix-eko kanalera aurrerapenaren gaineko xehetasunak jasotzeko.
Kanalean aurki daitezke probarako irudietarako estekak.
Mahaigaineko gailuak
Fedora
Fedorak Plasma Mobile eta harekin lotutako aplikazioak paketatuta ditu bere gordetegietan.
Instalatu plasma-mobileren paketea.
postmarketOS
postmarketOS QEMUn ibil daiteke, eta beraz Plasma Mobile zure ordenagailuan probatzeko aukera aproposa da.
Irakurri gehiago honi buruz hemen. Ezartzeko prozesuan, mahaigaineko ingurune gisa Plasma Mobile aukeratu besterik ez da egin behar.
Arch Linux
Plasma Mobile AURen eskuragarri dago.
KDE Neon
ABISUA: Honek ez du mantentze-lan aktiborik!
KDE Neon-en oinarritutako irudi hau, android ez darabilten intel tabletatan, PCetan eta alegiazko makinetan proba daiteke.